Според најновиот извештај на Counterpoint Research, европскиот пазар на паметни телефони го доживеа својот најлош прв квартал од 2013 година.
Споредено со првите три месеци од минатата година, испорачани се само 49 милиони паметни телефони, што значи дека пазарот паднал за цели 12 отсто. Според податоците, само Realme од петте водечки производители го удвоил својот удел на пазарот и со тоа доживеал раст од 67 проценти.
Samsung сè уште е водечки производител на паметни телефони во Европа, но неговата продажба е за 16 отсто помала отколку во првиот квартал од 2021 година. Испораките на Apple паднаа за шест отсто, додека најголем пад од дури 36 отсто забележа Xiaomi. По нив следи OPPO, чии испораки паднаа за осум отсто, но тие бројки ги вклучуваат телефоните на OnePlus.
Според GSM Arena, падот на европскиот пазар на паметни телефони е предизвикан најмногу од неодамнешното „заклучување“ во Кина, зголемената инфлација и војната во Украина. Samsung и Apple испорачуваа доста телефони во Русија, па нивниот бојкот имаше значително влијание врз бројките за испорака.
Сепак, целосниот ефект од овие санкции ќе се почувствува дури во вториот квартал, па Counterpoint Research предупредува дека ситуацијата на пазарот на паметни телефони ќе стане многу полоша.