Пратеникот Антонио Милошоски на својот Твитер профил објави пост во кој кажува дека на вчерашниот ЕУ Совет 7 членки биле против за датум за преговори со Северна Македонија и Албанија.
Во постот пратеникот има објавено и исечок од слика на која стои наслов: Франција и Гермнаија истурија ладна вода на Балканските надежи за брзо пристапување кон ЕУ. Порталот Република беше прва која ја пренесе оваа дезинформација.
Првично, сликата која пратеникот ја искористил во својот пост не се однесува на вчерашниот совет. Тоа е слика објавена на порталот Financial Times која се однесува на Балканската конференција во Берлин на 29-ти април 2019. Со самото тоа што пратеникот објавил слика од конференцијата во Берлин, а зборува за Европскиот Совет, доаѓаме до заклучок дека неговиот пост е дезинформација, пишува „Ф2Н2“.
За разлика од 2018, кога само Франција и Холандија ја блокираа одлуката за датум за преговори со Македонија и АЛБ, оваа година, според дипломатски извори и кредибилни дописници од Брисел @BedaRomano, кон овие земји се придружиле и Германија, Данска, Шпанија, Луксембург и Белгија. pic.twitter.com/u2bKTx9eqw
— Antonio Macedonian (@AMiloshoski) June 19, 2019
Дека на ЕУ Советот сите земји биле согласни за почеток на преговорите изјави премиерот Зоран Заев.
„Ниту една држава не изразила сомнеж дека РСМ ги исполнила сите задачи. Холандија изразила очекување да се донесе Законот за ЈО, но без негативен став и со согласност за почеток на преговорите годинава. Најмногу за нас се бореа: Грција, Австрија, Словенија, Словачка, Луксембург, Унгарија, Романија, Малта, Балтичките држави и Хан. Бугарија крајно позитивно, Франција воздржана со барање на повеќе време за одлука за двете држави. Грција, Австрија, Словенија и Унгарија жестоко позитивно за нас. На крајот, заклучокот е донесен со консензус, сите се ЗА позитивна одлука во октомври и почеток на преговорите до крајот на годината“.