Пилотската грешка на Франческо Банаја (Дукати) на помалку од пет круга пред крајот на Гран при на Емилија-Ромања буквално му ја донесе светската титула во МотоГП за 2021 година на Фабио Квартараро (Јамаха).
Италијанецот водеше од самиот почеток на втората трка во сезоната на Мисано, но не можеше да го издржи притисокот и втора година по ред не заврши на домашната патека откако ја предводеше трката.
Ова не само што му овозможи на Квартараро пред предвиденото да ја обезбеди титулата за 2021 година, туку и му даде шанса на Марк Маркез (Хонда) да ја забележи втората последователна и трета победа по враќањето во кралската класа.
Втор на подиумот се најде совозачот на Хонда, Пол Еспаргаро, за кого ова е прво искачување на подиум со јапонскиот тим по неговиот трансфер од КТМ во зима. Триото го затвори Енеа Бастијанини (Еспонсорама Дукати), кој го обезбеди својот втор пласман на подиумот во дебитантската сезона, три свиоци пред Квартараро пред крајот на трката.
Самиот Французин ја мина целта на четвртото место, но тоа беше доволно за да ја зграпчи титулата за 2021 година.