226
Еден од мајмуните кои со недели ги напаѓаат жителите на јапонскиот град Јамагучи е фатен и убиен, соопштија властите. Како што јави денеска Би-Би-Си, мајмуните макаки повредија речиси 50 луѓе во Јамагучи.
Еден од мајмуните бил фатен во дворот на средното училиште и бил идентификуван како дел од група која напаѓала луѓе.
Властите ги ловат мајмуните откако започнаа нападите врз возрасни и деца пред околу три недели. Повеќето повреди се мали гребнатинки и каснувања.
Потрагата по останатите мајмуни продолжува.