Водечкиот американски епидемиолог д-р Ентони Фаучи изјави дека американскиот претседател Доналд Трамп бил во право кога на последната претседателска дебата објави дека вакцината ќе биде готова до крајот на годината, но тој потенцираше дека ќе бидат потребни месеци за да се дистрибуира.
Во интервју за Би-Би-Си, Фаучи рече дека дистрибуцијата на вакцината ќе започне во 2021 година и дека првите корисници ќе бидат ранливата популација и медицинските работници.
„Ќе знаеме дали вакцината е безбедна и ефикасна до крајот на ноември, почетокот на декември“, рече Фаучи.
„Кога зборувате за вакцинирање на голем дел од популацијата, толку многу што има значително влијание врз динамиката на епидемијата, тоа нема да се случи пред вториот или третиот квартал од годината“, додаде тој.
Фаучи исто така рече дека е „многу важно“ политичарите и јавните личности да ја следат науката. „Можете позитивно или негативно да влијаете на однесувањето на луѓето. „Би било навистина срамота да се има безбедна и ефикасна вакцина без голем број луѓе кои сакаат да ја примат затоа што не им веруваат на властите“, рече тој.
Фаучи исто така рече дека е „очигледно“ дека идејата за инјектирање на варикина, што Трамп ја пропагираше на почетокот на годината, не е во согласност со науката.
На прашањето дали американскиот претседател сега е имун бидејќи бил заболен со корона и дали неговата изјава дека луѓето сега можат да живеат во согласност со научните факти, Фаучи коментира дека „одговорот на тоа е веќе познат – не, не е“.
Според него, Трамп не е во право кога вели дека слушањето научници ќе доведе до масовна депресија и тој рече дека затворањето на економијата може да се избегне доколку се слуша професијата и се почитуваат заштитните мерки.
Фаучи исто така вели дека „вирусот сигурно нема да исчезне наскоро“, што Трамп го кажа неколку пати. Фаучи го поддржа и повикот на демократскиот претседателски кандидат Џо Бајден да носи маски, изјавувајќи дека не може да зборува за конкретни бројки, но дека е вистина дека носењето маска спасува многу животи.