245
Идејата на некои британски таблоиди дека финалето на ФА Купот сепак ќе се игра пред навивачите, иако во ограничен број, најде плодна почва во локалната јавност.
Така, британската станица „Sky Sports“ отвори дебата за тоа дали финалето на најстарото фудбалско натпреварување во светот, кое беше одложено за 1 август поради пандемијата на коронавирус, може да се игра на „Вембли“ пред 20.000 гледачи, почитувајќи ги сите правила на социјално дистанцирање.
„Вембли“ има капацитет од 90.000 места, а започната е иницијатива да се дозволи 20.000 од нив да влезат на трибините, 10.000 за секој финалист.
Конечната одлука ќе ја донесат политичките власти и здравствените експерти во зависност од развојот на епидемиолошката состојба во Велика Британија.