Форбс: Меркел останува најмоќната жена во светот

од Nikola Popovski

Списанието „Форбс“ ја објави листата на 100 најмоќни жени во светот, на кој германската канцеларка Ангела Меркел се наоѓа на првото место десетта година по ред.

На второ место е шефицата на Европската централна банка, Кристин Лагард, а на трето е Камала Харис, новоизбраната потпретседателка на САД.

Првата жена, првата афро-американка и првата азијка која е потпретседател на САД за првпат се нашле на листата на најмоќни.

Десет шефови на држави

На четвртото место е претседателката на Европската комисија Урсула фон дер Лајен, а на 18-то место е директорката на ММФ, Кристалина Георгиева.

Најмоќните жени на 17-тата годишна листа на Форбс доаѓаат од 30 земји, а меѓу нив има и 10 шефови на држави и 38 од деловниот свет, пишуваат светските медиуми.

Тука се и сопругата на милијардерот Бил Гејтс, Мелинда Гејтс, ТВ sвездата Опра Винфри, кралицата Елизабета Втора, претседателката на Претставничкиот дом на САД, Ненси Пелоси, премиерката на Нов Зеланд, Jaсинда Ардерн и пејачките Ријана и Бијонсе.

Слични содржини