Франција објави дека нејзината амбасада во Украина од Лвов, град на западот на земјата, ќе биде вратена во Киев. Амбасадата беше преместена во Лавов на почетокот на март по почетокот на руската инвазија, пренесе агенцијата Франс прес.
Францускиот министер за надворешни работи Жан-Ив Ле Дриан ја сподели оваа вест за време на телефонскиот разговор со украинскиот министер за надворешни работи Дмитриј Кулеба.
„Преместувањето ќе биде извршено многу брзо и ќе и овозможи на Франција дополнително да ја продлабочи поддршката за Украина во сите сфери за да се соочи со војната што Русија ја започна на 24 февруари“, се вели во соопштението на француското Министерство за надворешни работи.
Франција, сепак, продолжува да ги советува своите граѓани да не се враќаат во Украина, вклучително и во Киев.
„Веруваме дека враќањето на Французите кои живееле во Украина се уште е незамисливо. „Враќањето на француските сонародници и денеска е официјално забрането“, соопшти во вторникот француската влада, нагласувајќи дека „цела Украина се уште е воена зона“.
Франција ѝ дава поддршка на Украина со воена опрема, хуманитарна помош и помош во истрагата за злоупотребите извршени од руските сили меѓу украинските цивили, покрај тоа што обезбедува хуманитарна поддршка за Полска и Молдавија, каде се наоѓаат голем број украински бегалци.
Деновиве голем број други земји најавија дека повторно ќе ги отворат своите амбасади во Киев по повлекувањето на руските сили кои напредуваа кон главниот град на Украина додека не се спречат нивните напори. Меѓу нив се чешката, италијанската, португалската и турската амбасада, како и канцеларијата на ЕУ.