Украина, земја која е меѓу најголемите извозници на пченица во светот, најверојатно нема да може да извезува пченица оваа година поради руската инвазија, соопшти денеска Елисејската палата.
Извор од француската влада изјави дека борбите во Украина и губењето на работната сила во земјоделството „го отежнуваат жетвата и можноста за садење за следната година исклучително“, пренесува Си-Ен-Ен.
„Украина е клучна за рамнотежата на светскиот пазар на храна“, додал изворот.
Украинската влада претходно забрани извоз на многу земјоделски производи, вклучувајќи пченица, пченка и други житни култури, како и сол и месо. На 11 март, Организацијата за храна и земјоделство на ОН предупреди дека руската инвазија на Украина може да доведе до значителни нарушувања во жетвата и извозот на жито, и очекува како резултат на тоа да се зголемат цените на храната, како и економски санкции кон Русија.
„Треба да се подготвиме за кризата на пазарот на храна“, изјавил извор од француската влада. Затоа францускиот претседател Емануел Макрон утре ќе разговара со кинескиот колега Си Џинпинг, додал изворот и навел дека „американските власти се подготвени да помогнат во случај на евентуален недостиг на храна“.