145
Македонската фудбалска селекција го одржа прв тренинг по пристугнување во Варшава пред неделниот меч со Полска во квалификациите за ЕП 2020.
Селекторот Игор Ангеловски ги поштеди Езџан Алиоски и Аријан Адеми, чиј настап е неизвесен поради повреда. Дали капитенот на загрепски Динамо ќе биде во комбинација против Полјаците или, пак, стручниот штаб ќе биде принуден да бара решение за позицијата последен играч за врска, ќе биде појасно утре.
За мечот со Полска се враќа дефанзивецот на Шкендија, Егзон Бејтулаи кој против Словенија ја одлежа суспензијата за жолти картони.
Полјаците имаат 16 бода во групата Г пред Австријците со 13 и македонската и словенечката репрезентација на третото, односно, четвртото место со 11 бода.