Рома на одличен начин се засили летово по освојувањето на Конференциската лига, но Жозе Мурињо веднаш по стартот на сезоната доби лоши вести.
Жоржињо Вајналдум заработи тешка повреда, му пукна десната тибија и ќе треба да биде надвор од терените неколку месеци. И поради ова, Мурињо сега објави остра порака на Инстаграм!
Вајналдум летово пристигна на позајмица од Пари Сен Жермен, а по дуелот со соиграчот Афена Џан на тренинг заработи повреда поради која ќе го пропушти Мундијалот.
Во Италија веднаш потоа одекна наводната информација дека Џан ќе биде главниот виновник за тоа што се случило, што толку многу го налути Мурињо што реши да се огласи на социјалните мрежи.
„Понекогаш фудбалот може да биде с*ање. За само две недели Џини (Вајналдум) стана еден од нас поради неговите човечки квалитети (веќе ги знаевме неговите фудбалски квалитети). За жал, во несреќа, тој доживеа тешка повреда што ќе го спречи од играње долго време“, започна Мурињо.
„Но, понекогаш не е само фудбалот с*ање, понекогаш се и луѓето. Оние кои започнаа гласини дека врвно дете како Феликс Афена Џан може да биде одговорно за она што се случи се вистински ѓубриња. Ајде да бидеме обединети вечерва – да играме за Рома , за Џини Вајналдум и за Феликс Афенa Џан“, напиша славниот Португалец.