Познатата израелска актерка Гал Гадот, која е позната по својата улога на суперхерој во филмот „Wonder Woman“, станува лице на новите телефони во серијата Huawei P20 кои беа презентирани вчера во Париз.
Актерката ќе биде присутна во различни рекламни материјали за уредот, па затоа е време да се подготвиме во наредните месеци за да ја гледаме често околу нас.
Со привлекувањето на Гал Гадот, Huawei ја продолжува својата стратегија да ангажира познати лица за промовирање на своите смартфони – во 2016 година лица на серијата P9 беа актерите Хенри Кавил и Скарлет Јохансон.
Кинеската компанија објави и партнерство со познатиот модел Хелена Кристенсен, која веќе некое време се занимава и со фотографија, а со помош од Huawei P20 Pro создала серија портрети, демонстрирајќи ги можностите на камерата.