Досегашниот генерален директор на Светската здравствена организација (СЗО) Тедрос Аданом Гебрејесус е реизбран за единствен кандидат за оваа функција, која ќе ја извршува уште пет години.
На Гебрејесус, директорската позиција му беше потврдена на 75. Собрание на СЗО, денеска во Женева. Како што наведува СЗО, тој бил единствениот кандидат.
Today at #WHA75 Member States re-elected @DrTedros to serve a second five-year term as Director-General of the WHO. Dr Tedros Adhanom Ghebreyesus's new mandate officially commences on 16 August 2022.
👉 https://t.co/kNUVAeDFff pic.twitter.com/MK5jjA4YyQ
— World Health Organization (WHO) (@WHO) May 24, 2022
„Денеска на 75. Собрание на СЗО земјите-членки го реизбраа Д-р Тедрос Аданом Гебрејесус да го отслужи својот втор петгодишен мандат како генерален директор на СЗО. Новиот мандат на д-р Тедрос Аданом Гебрејесус официјално започнува на 16 август 2022 година“, објавија од СЗО на Твитер.
Humbled & honoured to be elected to serve a 2nd term as @WHO Director-General. I'm deeply grateful for the trust & confidence of Member States. I thank all #healthworkers & my @WHO colleagues around the 🌍. I look forward to continuing our journey together. #ProudToBeWHO #WHA75 pic.twitter.com/1L0GwkRKbc
— Tedros Adhanom Ghebreyesus (@DrTedros) May 24, 2022
Гебрејесус првпат беше избран за директор на СЗО во 2017 година. Правилникот на Собранието на СЗО вели дека генералниот директор може само еднаш да биде реизбран на таа функција, што значи дека ова ќе биде последен мандат за Гебрејесус.