Германската влада е запознаена со најавеното повлекување на американските трупи од Германија и, заедно со погодените провинции, ќе се договорат со американската влада и НАТО, се наведува во заедничката изјава на неколку германски владини институции.
Во изјавата се наведува дека Соединетите Американски држави планираат трајно да го намалат бројот на американски војници во Германија за 6.400 војници, на максимум 25.000.
Од повлекувањето и пренесувањето на војниците, погодени се базите во Штутгарт, штабот на USEUCOM и USAFRICOM, базата во Вилшек, која припаѓа на големата база Гафенвер, а исто така и во Шпангдалем.
Плановите за повлекување и преместување на трупите може дополнително да бидат променети, се вели во соопштението, додавајќи дека спроведувањето на одлуката може да следи наскоро.