Бидејќи ширењето на вирусот „Ковид-19“ во Германија доведува до одредено ниво на неизвесност кај граѓаните, Центарот за вирусологија во Бон им ги соопшти на граѓаните првите резултати од истражувањето на вирусот, за да можат најдобро да ја проценат ситуацијата.
Анкетата спроведена од лекарите во овој центар откри дека коронавирусот не останува во воздухот, значи дека не може да се вдишува, не останува на овошје, зеленчук, леб, туку дека главниот пат на пренесување е преку капки. Ова може да се случи преку директен контакт со некоја личност, а често преку рацете, со допирање на носот, лицето по контакт со заразено лице.
На површини како пластика, метал, тој останува максимум три часа затоа што се суши, додека во вода останува подолго. За коронавирусот се вели дека долго време може да се задржи во тоалетот, мијалникот, кујната или на сите влажни површини бидејќи влагата го продолжува неговото постоење. Она што граѓаните треба да го знаат е дека останува и на облеката, но не се дефинирани случаи на зараза преку облека, а овие експерти дури ја исклучуваат можноста. Единствениот докажан метод на пренесување е директен контакт со заразеното лице.
Носењето маски и ракавици е индивидуална работа, но нема потреба од тоа, ако одржувате доволно растојание и ако редовно ги миете рацете по доаѓањето дома.
Истражувачите велат дека луѓето кои страдаат од акутна респираторна инфекција и мораат да се движат надвор, треба да носат маски за лице (хируршки), бидејќи ова би било корисно за да се намали ризикот од инфекција на други луѓе со капки од кашлање или кивање.
Исто така, советуваат дека е важно маската правилно да го покрива носот и грлото и дека кога маската „ќе се натопи“ со каква било течност, мора да се замени со нова.
Од друга страна, велат тие, нема доволно докази дека носењето маски значително го намалува ризикот од инфекција од здрав носител. Според Светската здравствена организација, носењето маска во ситуации кога не се препорачува може да создаде лажно чувство за безбедност, што може да ги занемари главните мерки за хигиена, како што е добрата хигиена на рацете.
Како и кај грипот и други акутни респираторни инфекции, велат експертите, треба да одржите растојание од околу една до две стапала од другите луѓе за кои знаете дека имаат симптоми на кивање или кашлање и дека овие мерки се препорачуваат насекаде и во секое време.