Германските медиуми за привилегиите на вакцинираните: Праведно, често, неизбежно

Германскиот институт за инфективни болести „Роберт Кох“ потврди дека вакцинираните против коронавирус не ја пренесуваат болеста.

Затоа, како што наведуваат, нема оправдување за понатамошно ограничување на нивните основни права.

Според германските медиуми, министерот за здравство, Јенс Спан исто така се залага вакцинираните да добиваат придобивки во секојдневниот живот, односно да бидат укинати некои ограничувања за нив, пренесува Дојче веле.

Во интервју за неделното издание на таблоидот Билд, Спан спомена укинување на обврската за брзи тестови или карантин за вакцинирани лица.

Франкфуртер алгемајне цајтунг го поддржува овој пристап, наведувајќи дека тој е „фер, искрен и неизбежен“.

“Кога на вакцинираните луѓе повеќе не им требаат тестови за да влезат во продавници или да одат на фризер, им треба доказ за вакцинација што не може да биде фалсификуван. Затоа е потребно да се дизајнира таква картичка за време на следното заклучување, што сигурно ќе дојде. Бидејќи , во наредните недели прво треба да се запре третиот бран “, пишува весникот.

Слични содржини