Германските власти одлучија да ја продолжат делумната блокада поради епидемијата на коронавируси до крајот на годината, а некои мерки ќе бидат олеснати за време на Божиќ.
Канцеларката Ангела Меркел и премиерите на сојузните покраини апелираа до граѓаните да не одат на зимски одмор барем до 10 јануари 2021 година.
„Германската влада треба да работи на европско ниво за забрана на ски-туризмот до 10 јануари“, се вели во заедничкото соопштение.
Да се работи од дома е добар механизам за намалување на бројот на контакти.
„Апелираме до работодавците да овозможат работа од дома каде и да е можно, особено помеѓу Божиќ и Нова година“, рече Меркел.
По неколкучасовна видео конференција, Меркел рече дека „потребна е нова концентрација на сите сили … трпеливост, солидарност, дисциплина“.
Таа додаде дека развојот на ситуацијата во врска со вакцината дава трошка оптимизам, но дека сега е потребно да се продолжат постојните строги мерки.
Од почетокот на пандемијата, Германија има 961.320 заразени и 14.771 мртов.
Претставниците на сојузната и покраинската влада треба да се состанат на 2 декември за да ги разгледаат резултатите во борбата против пандемијата.