Англискиот фудбалер Џејдан Санчо беше казнет со 10.000 евра, бидејќи објави слика во која се шишаше без маска.
Германската фудбалска асоцијација ги казни Санчо, како и соиграчот Мануел Аканџи, за кршење на правилата поврзани со сузбивање на ширењето на коронавирусот.
Тие заминаа кај познат фризер за да направат фризура, а слики завршија на социјалните медиуми.
Покрај нив, на фризурата беа и Рафаел Гереиро, Торган Азар, Аксел Витсел и Ден-Аксел Загаду, но не беа казнети затоа што нивните слики не завршија во јавноста.
20-годишниот Англичанец, член на Борусија Дортмунд, пушти порака на Твитер, нарекувајќи ја казната „целосна смешка“, но ја избриша набргу потоа.
Дортмунд даде кратка изјава.
„Сосема е нормално дека нашите играчи треба да направат фризура по неколку месеци. Исто така не е добро што никој не носеше маска. Ние ќе бидеме многу јасни и ќе ги потсетиме нашите играчи за тоа. И фризерот, исто така, треба да се праша за неговото однесување“, се наведува во соопштението.
La #Bundesliga multa 2 dei 5 calciatori del #Borussia che si erano tagliati i capelli
Secondo quanto riporta la Bild solo #Sancho e Akanji sono stati sanzionati dal momento che solo loro erano stati fotografati col barbierehttps://t.co/vz251XiTDA pic.twitter.com/GATVv4bAsh
— ilnapolista (@napolista) June 5, 2020