Експертите на ЕУ заклучија дека сегашните вакцини против коронавирусот се ефикасни против новиот вид откриен во Велика Британија, објави во неделата вечерта германската влада.
„Според сè што во моментов знаеме и по дискусијата од европски експерти, новиот вид не влијае на вакцините и тие остануваат ефикасни“, рече германскиот министер за здравство Јенс Спан.
„Ова е многу добра вест“, додаде министерот чија земја е претседател на Европската унија на државната телевизија ЗДФ.
Тој особено зборуваше за ефективноста на вакцината Pfizer / BioNTech, која веќе се користи во повеќе земји во светот и која наскоро ќе биде одобрена од Европската агенција за лекови.Во неделата се одржа состанок на експерти од земјите на ЕУ, изјави портпаролот на Министерството.
Мутацијата на вирусот е откриена во Велика Британија и голем број европски земји реагираа со прекинување на летовите од таа земја. Лондон најави и строги ограничувања на движењето во некои делови на земјата.
Лондон објави дека новиот вид на коронавирус се шири 70 проценти побрзо од претходниот.