Германските полициски инспектори денеска соопштија дека мажот осомничен дека за време на викендот ги уби сопругата и трите деца, по што си го одзеде животот, во проштална порака напишал дека се плашил да биде уапсен бидејќи ѝ набавил лажна ковид-потврда на неговата сопруга.
Телата на двајца 40-годишници и деца на возраст од 10, осум и четири години, со прострелни рани, беа пронајдени во саботата во нивната куќа во близина на Берлин.
Investigators in the German state of Brandenburg believe a man killed his wife, three children and himself because he feared getting arrested and having his children taken away from him for forging a COVID-19 vaccination certificate.https://t.co/QvfBaaOEAJ
— DW News (@dwnews) December 7, 2021
Во пораката се тврди дека работодавачот на убиената дознал за лажната потврда, поради што брачната двојка се плашела дека ќе бидат уапсени и одземени нивните деца, пренесува АП.
Безживотните тела на членовите на семејството беа пронајдени за време на викендот во семејната куќа, а според истражителите најдено е и огнено оружје за кое никој од нив немал дозвола.
Вештачењето ќе утврди дали било пукано од пиштолот. Бидејќи нема докази дека некој друг бил дома, се претпоставува дека мажот го убил семејството, а потоа се самоубил.