Главниот град на Шпанија се претвора во карантин

од Nikola Popovski

Во регионот на Мадрид, од понеделник ќе стапат на сила новите ограничувачки мерки со цел да се потисне епидемијата на коронаворис, што ќе ја опфати областа каде што живеат околу 850 000 луѓе.

Новите ограничувања вклучуваат ограничувања на движењето, кои влијаат на луѓето во 37 основни здравствени области, од кои 26 се наоѓаат во шест области на градот Мадрид, а останатите во други општини во регионот на тој град.

Регионалната лидерка Изабел Дијаз Ајузо изјави дека во таа област, вклучувајќи го и градот Мадрид, движењето ќе биде ограничено меѓу и во рамките на областите кои се тешко погодени од новиот бран на вирусот, што може да загрози повеќе од 850 000 луѓе, според Ројтерс.

Таа изјавила дека пристапот до парковите и јавните места ќе биде ограничен, како и собирите до шест лица во групи, но и дека луѓето кои нема да бидат спречени да одат на работа.

„Мораме да избегнеме карантин, мора да избегнеме економска катастрофа“, рече Дијаз Ајус на прес-конференција.

Болницата „Гомеш Ула“ се подготвува во случај одделите за итни случаи повторно да бидат пренатрупани.

Во четвртокот во Шпанија биле пријавени над 11.000 нови случаи на Ковид-19, додека починале 162 лица.

Вкупно повеќе од 625.000 луѓе досега се заразени од коронавирус, а најмалку 30.400 починале, покажуваат податоците на Министерството за здравство.

loading...

Слични содржини