Ѓоковиќ води со 10 поени пред Медведев на АТП листата

од Vladimir Zorba

Благодарение на тоа што Данил Медведев не влезе во полуфиналето на Мастерсот во Мајами, српскиот тенисер Новак Ѓоковиќ и овој понеделник го задржа првото место на АТП листата!

Ѓоковиќ не настапи на американската турнеја и годинава играше само во Дубаи, а при последниот рез на крајот има само 10 поени повеќе од Русинот – 8.420 наспроти 8.410.

Русинот, пак, најави дека оди на операција на кила и ќе ја пропушти сезоната на земјена подлога, не сметајќи го Ролан Гарос, кој се уште е под знак прашалник. Тоа значи дека Медведев во меѓувреме ќе загуби 790 поени, а Новак во наредниот период ќе треба да одбрани 840.

Она што му треба на Ѓоковиќ за да го задржи првото место на АТП листата до Ролан Гарос е да ја освои титулата на Србија опен што се игра на крајот на април и да стигне барем до финалето на сите три Мастерси (Монте Карло, Мадрид, Рим).

Во меѓувреме Александар Зверев го престигна Рафаел Надал на третата позиција, Стефанос Циципас е на петтата, Матео Беретини на шестата, а во ТОП 10 гледаме како Каспер Руд скокна едно место и сега е 7-ми пред Андреј Рубљов. Феликс Оже-Алиасим остана на 9-то место, а Камерон Нори се проби на 10-то место, „скокајќи“ за две места.

Слични содржини