Плејмејкерот на Бруклин Нетс, Кајри Ирвинг ја заврши сезоната поради повреда на рамото.
Кајри веќе има пропуштено повеќе од половина од натпреварите поради повреди и сега ќе мора да биде подложен на операција, што ќе го отстрани од паркетот до почетокот на следната сезона.
Заедно со генералниот менаџер и тим од специјалисти, тој реши да оди операција за рамото, иако првично донесе одлука во јануари да ја одложи операцијата.
Ирвинг има одиграно само 20 натпревари оваа сезона и е во просек од 27,4 поени, 5,2 скока и 6,4 асистенции.
Бруклин Нетс во моментот се на седмото место во Источната конференција.
Нетси нема многу шанси да направи нешто значајно во плеј-офот, па оваа одлука може да биде добра, со оглед дека тој ќе биде 100% подготвен за почетокот на следната сезона, како и Кевин Дурент.