Google на Alphabet Inc. најави голем број нови производи во обид да ја нападне доминацијата на Apple. Значителната експанзија на сопствениот хардвер е нагласена со првиот брендиран паметен часовник кој се натпреварува со популарниот производ на Apple Inc. На својата годишна конференција за програмери I/O во средата, гигантот за пребарување, исто така, претстави слушалки од висока класа, новите паметни телефони и својот прв таблет откако излезе од категоријата пред три години.
Google Pixel Watch, за разлика од Apple Watch, има тркалезен екран кој ги имитира повеќето класични часовници. Уредот беше развиен првенствено од Fitbit, кој Google го купи во јануари 2021 година, и вклучува интеграција за следење на здравјето врз основа на софтверот Fitbit.
Часовникот на Google ќе работи со софтверот Wear OS и ќе поддржува голем број функции како плаќање со допир, наоѓање насоки на Google Maps и примање известувања. Исто така, ќе биде контролиран од гласовниот асистент на Google и тактилна (чувствителна на допир) круна од страна – слично на Apple Watch со дигиталниот асистент на Siri и неговата дигитална круна. Како и Apple, Google ќе понуди и 4G верзија, пишува Bloomberg.
За разлика од другите паметни часовници со Wear OS, Pixel Watch на Google нема да биде компатибилен со iPhone на Apple.
Пазарот на паметни часовници е прилично заситен, а Apple држи околу 30% од продажбата. Samsung Electronics Co. поседува 10%, а остатокот од пазарот го дели Fitbit, Garmin Ltd. и помалите кинески играчи како Huawei Technologies Co., според Counterpoint Research.
Во говорот на конференцијата за развивачи на IO, интернет-компанијата рече дека има намера да создаде поширок опсег на сопственички уреди наместо да се потпира на трети страни, како Samsung за користење на својот софтвер.