Google наполни 23 години

од Vladimir Zorba

Google денеска полни 23 години, и го слави својот роденден прикажувајќи роденденска торта со свеќи на првата страница од пребарувачот.

Формирањето на компанијата започна во 1997 година, и официјално беше основанa на 27 септември 1998 година.

Коосновачот Сергеј Брин, кој беше дипломиран студент на Универзитетот Стенфорд во 1997 година, се сретна со другиот ко-основач, Лери Пејџ, кој во тоа време размислуваше да се запише на универзитетот.

До следната година, тие веќе градеа интернет пребарувач во нивните соби и развиваа прототип.

„Секој ден имаме милијарди пребарувања на Google на повеќе од 150 јазици низ целата планета“, објавено е на блогот на Google по повод 23 -от роденден.

Компанијата потсетува дека напредува од првиот сервер на полицата, направен од детски коцки, до сервери во над 20 центри низ светот, но дека мисијата останала иста – секој да има пристап до информации.

Слични содржини