Google подготвува AR оперативен систем AR

од Vladimir Zorba

Се чини дека Google го врати интересот за таканаречената проширена реалност (AR). Од објава на LinkedIn стана јасно дека на компанијата и се придружил Марк Луковски – до неодамна проект менаџер за оперативниот систем за мешана реалност во Меtа.

Претходно, Луковски беше еден од клучните архитекти на Windows NT во Microsoft, потсетува „Арстехника“. „Мојата улога е да го водам тимот за развој на оперативен систем за проширена реалност на Google“, напиша сега технолошкиот лидер.

Тој, исто така, објави линкови до некои огласи за работа на Google кои оставаат впечаток дека компанијата станала сериозна за AR како Apple и Meta.

Еден од огласите гласи: „Нашиот тим гради софтверски компоненти кои го контролираат и управуваат хардверот на нашите производи за проширена реалност (AR). Ова се софтверските компоненти кои работат на уредите со AR и се најблиску до хардверот. Бидејќи Google додава нови производи во своето портфолио за AR, тимот на OS Foundations е првиот софтверски тим што работи со овој нов хардвер“.

Други огласи за работа сугерираат дека некои вработени ќе работат на „иновативен AR уред“. Позициите се претежно во САД, а делумно во Канада.

Кога станува збор за проширената реалност, Google понуди API и алатки за да им помогне на развивачите на AR да создадат слични искуства за Android. Компанијата нуди и уред за „очила“ наречен Google Glass (кој во суштина работи со Android) – за корпоративни клиенти.

Но, новите најави и назначувањето на Луковски откриваат дека Google повеќе не сака едноставно да им дозволува на другите да прават AR апликации, туку има намера лично да игра голема улога на овој перспективен пазар во развој.

Слични содржини