Градоначалникот на Бергамо: Натпреварот Аталанта – Валенсија беше биолошка бомба

од Nikola Popovski

Градоначалникот на Бергамо, Џорџо Гори се согласи со експерти дека натпреварот Аталанта – Валенсија е причина за распространетиот коронавирус во регионот на Ломбардија.

Atalanta’s Italian goalkeeper Pierluigi Gollini (R) deflects a shot during the UEFA Champions League round of 16 first leg football match Atalanta Bergamo vs Valencia on February 19, 2020 at the San Siro stadium in Milan. (Photo by Miguel MEDINA / AFP) (Photo by MIGUEL MEDINA/AFP via Getty Images)

Аталанта ја пречека Валенсија на 19 февруари во првото осминафинале од Лигата на шампионите на УЕФА на неутрален терен на „Сан Сиро“ во Милано пред 45.000 гледачи. Аталанта победи со 4-1, а градоначалникот на Бергамо е убеден дека овој натпревар го забрзал заразувањето на многу луѓе во областа.

– Овој натпревар стана биолошка бомба. Во тоа време немавме поим што нè очекува. Во Италија, првиот пациент се појави на 23 февруари. Очигледно, вирусот веќе активно се ширел и замислете во тој момент над 40.000 луѓе се упатија кон Милано и веројатно повеќето од нив биле заразени. Многумина го следеа натпреварот во групи, имаше многу контакт, рече Гори, цитиран од италијанските медиуми.

Слични содржини