Либанскиот доктор Рами Ј. Рахме, од Универзитетот во Париз, направи графикон во кој ја претстави пандемијата на коронавирус на ниво на целата популација.
Тој користел податоци од универзитетски истражувања и од реномирани медицински списанија, како што е „Лансет“.
Според графиконот, 30 отсто од заразените воопшто не ги чувствуваат симптомите, но сепак се „заразни“ 14 дена, по што развиваат имунитет. Ова е опасно бидејќи луѓето кои немаат симптоми може да имаат поголема веројатност да го пренесат вирусот на други. Смртноста во оваа група е 0%.
Потоа, луѓето кои имаат благи симптоми по 5 дена, остануваат изложени на ризик за другите многу подолго, околу 23 дена според овој графикон. Тие сочинуваат најголем дел од заразените – 55 отсто. Смртноста е исто така на нула.
10 отсто од заразените развиваат сериозни симптоми, ќе бидат хоспитализирани, а периодот на заздравување ќе трае подолго од 25 дена. Ваквите случаи имаат стапка на смртност од 15%.
Конечно, најлош можен исход на инфекција со коронавирус е потребата да се користи респиратор среде сериозни компликации на болеста „Ковид-19“. Смртноста на пациентите на респиратор е дури 50 отсто, а ваквите случаи учествуваат со 5 проценти од вкупниот број на заболени.