Министерот за здравство Венко Филипче соопшти дека откако ќе се изгласа Законот за здравствена заштита пациентите во приватните болници кои се лекуваат од Ковид – 19, ако е комплексно лекувањето и долго трае, максималната сума што треба да ја плати е 300 илјади денари.
– Ако е комплексно лекување и долго трае, максималната сума на пари која ќе треба да ја плати граѓанин е 300 000 денари. Станува збор за сума што пациентите ја плаќаат во приватните болници, а таму заминале на своја волја да се лекуваат, како што тоа го прават сега, а плаќаат голема сума на пари.Ако треба ние да ги користиме како држава ресурсите на приватните болници, тогаш за тие ресурси не наплаќаме никаков надоместок кон приватните болници, а Фондот си ја презема услугата на плаќање. Таква ситуација засега нема, појасни Филипче.