Како што е најавено, летово за време на туристичката сезона во Грција ќе може да се оди само со пасош, без потврди и тестови за вакцинација, без маски и ограничувања и така до 1 септември, кога ќе се ревидираат мерките во зависност од епидемиолошката слика. Сè уште не е добро, бидејќи бројот на заболени се движи од 12.000 до 20.000 дневно, а пред еден месец во еден ден беа регистрирани дури 30.000 случаи. Од оваа бројка, 5.000 се во Атика, а повеќе од 1.000 во Солун, а досега се вакцинирани 72 отсто од вкупно 11 милиони жители во земјата.
Како и претходните години пред почетокот на туристичката сезона, епидемиолозите тврдат дека состојбата е стабилна, иако дневно умираат по 70 пациенти, а уште 400 се на респиратор. На новинарско прашање како е можно да се зборува за целосна нормализација на животот во таква ситуација, а во исто време е на сила целосен карантин во кинеските градови, особено во Шангај, епидемиолозите објаснуваат дека голем број тестирани, барем еден сто илјади дневно, главно станува збор за послабата форма на омикрон. Болниците, како што тврдат, не се полни, а здравствениот систем не е загрозен. Кога станува збор за голем број смртни случаи, како што објаснуваат епидемиолозите, станува збор за невакцинирани пациенти кои не „избегале“ во претходните бранови на пандемијата, за стари лица и за оние кои боледуваат од истовремени заболувања.
Во секој случај, анти-ковид мерките ќе престанат да важат од 1 мај, што, меѓу другото, значи дека ковид-пропусниците ќе бидат укинати до 31 август. Така, при влегување во затворен простор, ресторани, клубови, трговски центри повеќе нема да мора да покажувате потврди за вакцинација или прележан Ковид. Учениците веќе на 3 мај се враќаат во клупите без самотестирање, а вработените невакцинирани Грци ќе се тестираат само еднаш, наместо двапати неделно како досега.
Одлуката на Владата е мерките да се укинат во две фази: од 1 мај, односно по Велигден, кога животот ќе се нормализира, според министерот за здравство Танасис Плеврис, и од 1 јуни кога се очекуваат голем број туристи и кога сите ограничувањата ќе бидат укинати. Тоа значи дека маските ќе бидат задолжителни во затворени простории до 1 јуни, а потоа ќе се препорача секој сам да процени дали маската ќе ја носи на места каде што има повеќе луѓе, во трговски центри и супермаркети. Се уште не е прецизирано, но, очигледно, маските ќе бидат задолжителни за јавниот превоз, во такси, во текот на летото, по 1 јуни… Наскоро се очекува разгледување и конечна одлука за одземање на европскиот сертификат за влез во земјава. Грција и ова лето останува една од најатрактивните дестинации, а се очекува летово да има повеќе туристи од лани. Да потсетиме, во најдобрата туристичка 2019 година во Грција дојдоа 33 милиони гости, најмногу од Велика Британија и Германија.
Што се однесува до Велигден, годинава ќе се слави на традиционален начин, без ограничувања, но пожелно е да се носи маска на отворено на места каде што ќе се соберат многу луѓе. Интересно е, сепак, што министерот за здравство Плеврис најавува ревизија на анти-мерките на 1 септември, кога престанува да важи т.н. летен протокол. Тоа значи дека кога туристите си одат дома, доколку епидемиолошката состојба не е задоволителна, Грците повторно би можеле да се соочат со бран анти-ковид мерки.