131
Грција од 15 јули ќе биде отворена за сите летови од Велика Британија, најави денеска портпаролот на грчката влада Стелиос Пекас.
Тој објасни дека одлуката е донесена во соработка со британската влада и заснована врз препораките на експертите, пренесува АНА.
Грција требаше да ги отвори своите граници за британските туристи на 1 јули, но доцнењето се должи на епидемиолошката состојба.
Велика Британија претходно објави список од 74 земји кои англиските туристи сега можат да ги посетат без потреба од карантин, во кој е вклучена и Грција.