284
МАНЧЕСТЕР Сити се пласираше во полуфиналето од Лигата на шампионите. Во реваншот од четвртфиналето, водечкиот тим на Премиер лигата славеше со 2:1 против Борусија и со вкупни 4:2 се пласираше меѓу четирите најдобри клубови во Европа.
За тренерот на Сити, Пеп Гвардиола, тоа е осми пласман во полуфиналето од Лигата на шампионите. Така тој го изедначи рекордот на неговиот голем ривал Жозе Мурињо.
Двајцата имаат по две шампионски титули. Мурињо беше најдобар со Порто во 2004 година, а шест години подоцна славеше со Интер.
Пеп ги освои двете титули со Барселона (2009 и 2011 година) и сега е фаворит со неговиот Сити во обложувалниците.