Хамес ќе може да игра за Баерн против Реал Мадрид

Хамес Родригез ќе може да игра за Баерн Минхен во полуфиналето на Лигата на шампионите против Реал Мадрид, иако колумбискиот играч e позајмен на „Алијанц арената“ минатото лето токму од „кралскиот клуб“.

Правилата на УЕФА се цврсти во овој поглед и Баерн има целосно право да го користи Хамес во двате натпревари против Реал Мадрид.

Ова ќе биде четврто полуфинале во ЛШ во кариерата на Родригез.

Првиот натпревар помеѓу Баерн и Реал Мадрид е на „Алијанц арената“ на 25 април,

Реваншот на „Сантијаго Бернабеу“ е на 1 мај.