Хаос во Словенија: Авион слета на сред автопат

Помал авион принудно слета на автопатот кај Брежје во правец кон Јесеница во Словенија.

Според полицијата во Крањ, во авионот имало две лица, кои не се повредени. Оттаму додаваат дека е обезбеден делот од патот каде што е извршено принудното слетување.

Според Словенечката служба за безбедност и спасување, околу 14 часот и 30 минути добиле дојава дека авионот принудно слетал на автопатот. Според извештаите, авионот при слетувањето удрил во банкина и се превртел.

Луѓето кои биле во авионот успеале сами да излезат од него, пренесува „N1“.