Централниот напаѓач на Борусија Дортмунд, Ерлинг Хoланд, ќе го води нападот на Баерн Минхен за неколку години, предвидува легендата на Баварците – Лотар Матеус.
Како што е познато, силен интерес за Норвежанецот имаше од Манчестер Јунајтед, Јувентус, Барселона и Реал Мадрид, но тој избра да ги засили „жолто-црните“.
„Баерн игра со еден централен напаѓач, кој се вика Роберт Левандовски. И Холанд ќе биде резерва, ако се пресели во Баерн. Во исто време, на Дортмунд долго време му недостасува токму тој тип на фудбалер. Затоа Борусија е вистинското место за него во моментов“, рече Матеус.
„Сепак, за неколку години можам да го замислам Холанд да го наследи Левандовски на врвот на нападот на Баерн. Англија е исто така интересна опција за него. Неговиот татко, Ало-Инге, играше во Премиер лигата долго време. И англиските клубови се исто така многу силни“, додаде светскиот шампион за весникот „Абендцајтунг“.