Honda S2000 од 2008 година беше продаден за неверојатни 125.000 долари на аукциската платформа Bring-A-Trailer, што го прави вториот најскап S2000 некогаш продаден во светот. Она што го прави овој автомобил посебен е тоа што е еден од приближно 700 произведени модели на Club Racer.
Претходно беше во Чикаго, Илиноис и Манитоба, Канада пред да биде купен од сегашниот продавач во мај 2019 година. Се продаваше со поминати 9.600 километри, неколку клучеви и чист извештај за историјата на автомобилот. Надворешноста е во нијанса на Apex Blue Pearl која се чини дека е добро одржувана со текот на годините.
Club Racer, исто така, се разликува од другите модели S2000 по својата единствена предна табла, големото фиксирано задно крило и отстранлив црн тврд покрив. Написот открива дека автомобилот сè уште е опремен со оригиналните 17-инчни алуминиумски тркала со пет краци обвиткани во гуми Bridgestone Potenza RE070. CR, исто така, има корист од посилни пружини и поцврсти стабилизатори, според „Јутарњи“.
Honda исто така направи некои промени во внатрешноста на CR. На пример, седиштата се обложени со црна алкантара и доаѓаат во комплет со жолти влошки и шевови. Со оглед на тоа што автомобилот помина нешто повеќе од 9.000 километри, не е изненадување што внатрешноста покажува многу малку знаци на стареење и изгледа како штотуку да излегла од фабрика.
Цените на користената Honda S2000 значително се зголемија во последниве години, особено ако има помалку поминати од 100.000 километри. Варијантата CR се покажа особено популарна кај ентузијастите и колекционерите во јули – онаа со околу 50.000 километри продадена за 110.000 долари, иако рекордерот беше пример со само 197 километри што се продаде за околу 200.000 долари минатиот април.