Хрватски сеизмолог: Тлото во Петриња ќе се тресе со месеци

од Берта Китинска

Томислав Фикет, заменик директор на хрватската сеизмолошка служба, потврди дека утрово уште еден земјотрес го погодил Петриња.

– Само што пристигнавте, имаше умерен земјотрес кај Петриња, 11 километри источно од Глина, со јачина од 3,3 степени според Рихтеровата скала – рече Фикет за Нова ТВ.

Тој додаде дека поголем број земјотреси на дневна основа не се неочекувани.

– Знам дека е многу непријатно за луѓето. Непријатно е за сите граѓани кои го почувствуваа тој земјотрес, но тоа е нормален развој на ситуацијата засега – рече тој.

Фикет објасни што се случува во Сеизмолошката служба кога ќе се појави земјотрес.

– Имаме должност и гледаме во живо записи од сеизмограм на нашите компјутери. Веднаш штом ќе се случи земјотрес, од записот гледаме дека нешто се случува. После тоа, нашиот систем на локации, кој сè уште е во развој, бидејќи, за жал, немаме доволно густа мрежа, ни дава привремена локација, која потоа рачно ја потврдуваме и излегуваме во јавноста со тој извештај – објасни тој.

Покрај тоа, тој повтори дека почвата во областа Петриња ќе се тресе и наредните месеци.

– Предвидуваме дека може да има уште посилни земјотреси, и со јачина од 5 степени. Се разбира, тоа може да не се случи, па затоа не можеме ниту да гарантираме. Сигурно ќе има земјотреси со јачина од 4 степени и посилни, а земјотреси од 3 степени според Рихтеровата скала ќе бидат зачестени – рече Фикет.

Тој рече дека граѓаните мора да се навикнат да живеат во областа каде што живеат, каде што е докажано дека има земјотреси и дека може да се случи.

„Нема смисла да чекаме земјотрес бидејќи тој не мора да се случи“, додаде тој.

Најбезбедни и најопасни области

Што се однесува до целиот свет, најкритични се зоните долж Тихиот океан, западниот дел на Северна и Јужна Америка и Јапонија, каде што се регистрирани повеќе земјотреси отколку на кое било друго место на земјата.

Опасни се и Индонезија, Фиџи, областа околу Тибет, источниот брег на Црното Море, Иран и јужниот брег на Каспиското Море.

Во Европа најчесто се тресат земјите покрај Средоземното море, Грција, Турција, Италија, а во Португалија се случи еден од најголемите земјотреси во историјата. Западниот дел на Исланд исто така е во црвена боја, додека најбезбеден континент е Африка.

Слични содржини