За неколку дена животот на Мауро Икарди целосно ќе биде променет. Тој ќе биде пречекан од илјадници навивачи на Галатасарај каде што ќе биде еден од најскапите и најдобрите играчи кои некогаш играле за тој клуб. За трансферот на Аргентинецот се зборува долго време, а турски „ТРТ“ пишува дека сега се е договорено со ПСЖ.
Договорот помеѓу Икарди и Галатасарај е во тек веќе неколку дена, но Пари Сен Жермен малку го одложи. Наводно во целиот процес се вклучил и Фенербахче и вечниот ривал на Галата се обидел да им го презеде Мауро.
Сепак, сега ТРТ пишува дека зделката меѓу Галатасарај и Пари Сен Жермен е завршена и дека се работи за едногодишна позајмица.
Galatasaray, Mauro Icardi'nin transferinde sona geldi.
Sarı-kırmızılılar, Arjantinli oyuncunun ardından kulübü Paris Saint Germain ile de anlaştı…
Yıldız oyuncunun 2-3 gün içinde sağlık kontrolü ve resmi imza için İstanbul'da olması bekleniyor.
(TRT Spor) pic.twitter.com/yewATAccG1
— Spor Arena (@sporarena) September 4, 2022
Мауро во следните неколку дена ќе пристигне во Истанбул на потпишување на договорот за позајмица, а претходно ќе има лекарски преглед, а сигурно тогаш фановите на турскиот великан ќе му приредат голем пречек.
Инаку, 29-годишниот фудбалер кога настапуваше за Интер двапати беше најдобар стрелец во Серија А, а во ПСЖ на нешто повеќе од 90 натпревари постигна 38 гола. Не успеа да се избори за позиција во тимот покрај Нејмар, Меси и Мбапе, па минатата сезона постигна само пет гола.