Ненадејното зголемување на бројот на заразени со новиот коронавирус во странство треба да биде предупредување за Британците кои не го почитуваат правилото за социјално дистанцирање, рече во петокот британскиот премиер Борис Џонсон.
Тој рече дека сцените со гужви на плажата во Борнмут, кои може да се видат во четврток, сугерираат дека треба да се потсетат луѓето дека премногу дружење може да ја врати Велика Британија во борбата против ширењето на Ковид-19, пренесува Би-Би-Си.
– Во некои делови од светот, јас нема да ги именувам, имаше ненадејно зголемување, навистина сериозно зголемување на бројот на заразени лица, па клучно е луѓето да разберат како правилно да го сторат тоа на 4 јули, тоа мора да го спроведеме на избалансиран начин. Можеби мислите дека нема да се инфицирате, дека сте бесмртни и непобедливи и така натаму, и тоа е многу веројатно за младите. Но, инфекцијата што ја носите може да убие, особено постари лица. Сè уште е опасно, вирусот е сè уште таму, предупреди Џонсон.
Бурнемут беше полн во четвртокот, соопштија надлежните од тој град, а локалниот парламентарец процени дека околу 500.000 луѓе го посетиле регионот Дорсет во текот на денот.
Who do you blame for what happened at #Bournemouth beach?
My picks are @BorisJohnson and #dominicummimgs ! pic.twitter.com/X4ZAxXmxB1— Dr Kailash Chand OBE (@KailashChandOBE) June 25, 2020