Светската здравствена организација денеска го именува новоидентификуваниот сој на коронавирус, кој се шири од Јужна Африка, со грчката буква Омикрон. Нагласуваат дека советничката група препорачала да бид означен како „загрижувачки сој“.
Здравствената агенција на ОН официјално го означи овој сој, претходно познат како линија Б.1.1.529.
Во соопштението на СЗО се вели дека прелиминарните докази сугерираат дека најновиот сој носи „поголем ризик од повторна инфекција од другите варијанти кои предизвикуваат загриженост“, пренесува Гардијан.
„Првата позната потврдена инфекција Б.1.1.529 беше од примерок собран на 9 ноември 2021 година. Овој сој има голем број мутации, од кои некои се загрижувачки“, соопшти СЗО.
The Technical Advisory Group on SARS-CoV-2 Virus Evolution met today to review what is known about the #COVID19 variant B.1.1.529.
They advised WHO that it should be designated a Variant of Concern.
WHO has named it Omicron, in line with naming protocols https://t.co/bSbVas9yds pic.twitter.com/Gev1zIt1Ek— World Health Organization (WHO) (@WHO) November 26, 2021
Се чини дека бројот на случаи на овој сој се зголемува во речиси сите провинции во Јужна Африка.