Иниеста не брза со пензија, потпиша нов договор со Висел Коби

од Stefanija Kuzmanovska

Поранешниот капитен на Барселона, Андрес Иниеста го продолжи договорот со јапонскиот клуб Висел Коби за уште две години и најави дека сака да помогне на амбициите на тимот да стане најдобриот тим во Азија.

Светскиот шампион од 2010 година со Шпанија, кој денес го слави својот 37-ми роденден, пристигна во Коби во 2018 година од Барселона кога потпиша за три години. Покрај светските и двете европски титули, тој има девет шампионски трофеи во Примера дивизион и четири во Лигата на шампионите.

Откако Иниеста пристигна да игра во Џеј Лигата, Висел Коби го освои својот прв трофеј – Царскиот куп, минатата година и благодарение на ова се пласираше во Азиската лига на шампиони за прв пат во својата 55-годишна историја.

„Јас сè уште продолжувам да го прифаќам овој предизвик со истата страст и стремеж со кој пристигнав пред три години“, рече Иниеста на прес-конференција на која беше најавено продолжување на договорот.

Зборувајќи за тоа како сака да му помогне на Висел Коби да стане врвен клуб во Азија, тој додаде дека е возбуден што ќе биде дел од проектот уште две години.

„Силно верувам дека филозофијата и односот на Иниеста кон играта ќе станат пример не само за младите спортисти, туку и ќе ги инспирираат Јапонците уште повеќе во фудбалот“, рече Хироши Микитани, извршен директор на сопствениците на клубот, „Ракутен“.

Слични содржини