Досега не е евидентиран ниту еден смртен исход по приемот на вакцината против коронавирусот „Спутник V“, изјави директорот на научниот центар „Гамалеја“, Александар Гинзбург, за време на онлајн брифинг.
„Оние кои биле вакцинирани, гарантирано е дека нема да мора да бидат хоспитализирани и вирусот нема да им се спушти на плуќата. Односно, по доаѓање во контакт со оваа болест кај вакцинираните со Спутник V, кај голем број испитаници не се забележани тешки случаи, а да не спомнувам за смртни случаи. Сите вакцинирани се заштитени“, нагласи тој.
Нема несакани ефекти
Независни експерти од повеќе земји забележаа дека нема сериозни несакани ефекти од вакцинацијата со „Спутник V“, рече Гинзбург.
Како што наведе, „во Аргентина е извршен голем надзор над вакцините“. Таму, повеќе од 300.000 волонтери биле вакцинирани со „Спутник V“. Според извештајот на локалното Министерство за здравство, не биле забележани несакани ефекти кај вакцинираните.
Гинзбург додаде дека по вакцинацијата може да се појават само оние несакани ефекти кои се наведени во упатството за препаратот: температура до 38 степени, главоболка, болки во мускулите, црвенило на местото на инјектирање.