ИКТ-секторот може да има клучна улога во справувањето со пандемијата на Ковид-19. Дигиталниот широкопојасен интернет е основата што поддржува имплементација на телемедицина, далечинско образование и канцеларија за далечинско управување. Така на пример, далечинска здравствена консултација им помогна на лекарите да дијагностицираат пациенти оддалечени 1000 километри, вели Си Веигуо, заменик генерален директор на „Хуавеи“, во интервју за „Локално“.
Во компанијата се задоволни од позицијата на македонскиот пазар , но истовремено оставаат можност за проширување на инвестициите.
-Се надеваме дека отвореното и фер деловно опкружување ќе продолжи и во наредните години, а „Хуавеи“ ќе продолжи со обезбедување на најдобри можни решенија и услуги за своите клиенти, вели Веигуо.
Во „Хуавеи“ имаат прецизен став во однос на дилемите околу 5G мрежата но и обвинувањата дека нивните мрежи и уреди се закана по безбедноста на државите.
-Ние сме снабдувач на телекомуникациска опрема. Произведуваме цевки преку кои се канализираат податоците, но немаме никаков пристап до овие податоци, посочува Веигуо.
Како аргумент го посочува и фактот дека во периодот од 30 години на работење во 170 држави, нема евиденција за ниту еден поголем инцидент за сајбер безбедност.
Регионалниот центар на „Хуавеи“ е во Софија. Дали размислувате за проширување на обемот на работа за канцеларија Скопје-Република Северна Македонија? Дали планирате зголемување на бројот на вработени во оваа канцеларија?
-Ние веруваме дека развиената економија ќе биде првиот приоритет за Северна Македонија, така што фер, отворено и транспарентно деловно опкружување може да ги охрабри сите меѓународни и локални компании да ги прошират инвестициите. Тоа исто така ја вклучува и „Хуавеи“. Сè уште постои развојна тенденција во регионот, така што „Хуавеи“- Северна Македонија може да се прошири според нашиот реален план за развој на бизнисот.
Вашата компанија отвори центар за истражување и развој во Будимпешта, по отворањето на друг таков центар во Париз. Дали има размислувања за ваква амбициозна инвестиција во овој регион, евентуално во нашата земја?
-Дозволете да споменам неколку основни податоци во врска со „Хуавеи“ и иновациите. Иновациите се основа за опстанок и раст на „Хуавеи“ во последните 30 години. „Хуавеи“ ќе продолжи да ги удвојува нашите напори во истражување на врвни технологии насочени кон иднината и основни истражувања. Денес, „Хуавеи“ има повеќе од 96 000 вработени во истражување и развој и во текот на последните 10 години трошоците за развој и истражување достигнаа 90 милијарди американски долари, што значи дека повеќе од 10% од приходите од продажба се инвестираат во развој годишно. Во 2019 година, инвестициите во истражување и развој достигнаа 15,3%.
Подеднакво импресивни се и бројките за патентите: 85.000+ патенти ширум светот. 90% се патенти за пронајдок; 5.000+ предлози поднесени во 2019 година, 60.000+ акумулирани предлози. Како што гледате, „Хуавеи“ продолжува да се фокусира на истражување и иновации за да ги искористи можностите и да се справи со предизвиците на идниот интелигентен свет.
Сега, што се однесува до Европа, европските активности на „Хуавеи“ започнаа во 2000 година со отворање на Центар за истражување и развој во Стокхолм. Откако „Хуавеи“ ги основа своите операции во Европа, тој се фокусира на иновации насочени кон клиенти, силно партнерство и градење на тесна соработка со скоро сите главни превозници во Европа. Во 2015 година, „Хуавеи“ се рангираше на 4-то место на листата компании во Европскиот завод за патенти според бројот на апликации. Има центри за истражување и развој во различни земји како Франција, Германија, Англија, Шведска и Белгија. Во овој момент не сум во состојба да ви кажам дали ќе биде формиран друг центар за истражување во Европа, но можам да ве уверам дека компанијата континуирано ги испитува можностите да го зајакне своето европско присуство во развојни центри и во други земји, но, како што можете да разберете, за таква инвестиција е потребен одржлив деловен план и време да се испитаат сите параметри.
„Хуавеи“ беше многу присутен во телекомуникацискиот бизнис во оваа земја и беше најсилниот играч за инсталација за идната 5G мрежа. Сепак, пред неколку дена САД и Северна Македонија потпишаа меморандум за разбирање на безбедноста на 5G технологиите. Со потпишувањето на овој документ, оваа земја се приклучи на низата европски земји кои имаат потпишано такви договори со Вашингтон што ги обврзува да не користат 5G технологии од „неодобрени и неверодостојни“ производители. Досегашното искуство покажа дека „Хуавеи“ и „ЗТЕ“ се најпогодени со потпишувањето на овие договори. Како го коментирате ова и кои се вашите следни чекори?
-Ние не коментираме политички активности. Треба да се наведе дека наводите од Соединетите Држави не се поткрепени со докази досега. Уредите и мрежите на „Хуавеи“ не се закана за САД или која било друга земја.
Ние сме снабдувач на телекомуникациска опрема. Ние произведуваме цевки преку кои се канализираат податоците, но немаме никаков пристап до овие податоци. Со податоците управуваат провајдерите, а не ние. Во денешно време, дури и операторот не е во можност да знае што тече на неговата мрежа затоа што скоро сите податоци од корисниците се шифрирани. „Хуавеи“ пристапува до мрежата на оператори само доколку има проблем со мрежата што операторот не може да го реши со својот персонал. Ова се случува во многу набљудувана средина под целосна контрола на провајдерот. На крајот на краиштата, постојат земји кои не се потпираат на инфраструктурата на „Хуавеи“, тоа не значи дека немаат прашања за кибер безбедност за решавање.
Врвните организации од трета страни во индустријата, вклучувајќи ги „ЦиЦиЕн“ во Шпанија и „Никсу“ во Финска, ги оценуваа базните станици на „Хуавеи“ (заедно со нашиот изворен код) според 14 различни индикатори. Резултатите покажаа дека „Хуавеи“ ги надминува комуникациските производи и софтверот со отворен извор.
30 години од основањето на „Хуавеи“, им служиме на над три милијарди луѓе во 170 земји и одржуваме беспрекорна евиденција за сајбер-безбедноста. Никогаш немало ниту еден поголем инцидент во однос на сајбер безбедноста. Вметнавме строги безбедносни барања во сите наши системи што се користат на глобално ниво. Ние целосно ги почитуваме сите локални закони и регулативи во секоја држава во која работиме и ќе продолжиме да им служиме на нашите клиенти на најдобар можен начин донесувајќи ја дигитализацијата до секој човек, дом и организација за целосно поврзан, интелигентен свет.
Како е позициониран Huawei на македонскиот пазар и исто така во регионот, колку сте задоволни од продажбата?
-Имајќи го предвид обемот на пазарот, „Хуавеи“ е првенствено заинтересиран да обезбеди конкурентни решенија и најдобра можна услуга за своите клиенти во Р.Северна Македонија. Обемот на продажба доаѓа кога сте доверлив партнер, а „Хуавеи“ има добар учинок во тоа. Според добрата евиденција за соработка во изминатата деценија, нашите клиенти се задоволни од решенијата и услугите на „Хуавеи“, и од технологијата како и од комерцијален аспект.
За македонскиот пазар, сметаме дека фер и отворено деловно опкружување ќе биде добро за развојната тенденција во Северна Македонија и тоа ќе резултира на патот кон дигитализацијата на земјата. Се надеваме дека отвореното и фер деловно опкружување може да продолжи и во наредните години, а „Хуавеи“ ќе продолжи со обезбедување на најдобри можни решенија и услуги за своите клиенти.
Министерството за информатичко општество и администрација преку соработка со компанијата „Хуавеи“ обезбеди можност да ги награди 5-те најдобри студенти од ИКТ факултетите во Република Северна Македонија. Ова би била студентската програма преку интернет „Huawei семе за иднината“ што Huawei ја спроведува од 2008 година, што им нуди на најдобрите студенти можност да ја запознаат работата на компанијата во областа на ИКТ индустријата. Дали размислувате за нова, дополнителна соработка во областа на образованието?
-Освен деловниот придонес кон нашите клиенти, „Хуавеи“ во Северна Македонија е целосно посветен на вредностите на Програмата за општествена одговорност на компанијата (ООП). Нашата основна цел е да придонесеме во образование за ИКТ во универзитетите во Северна Македонија преку ИКТ академии. Од 2017 година учествуваме на светската програма на „Хуавеи“ „Seeds for the Future “, давајќи им можност на студентите на универзитетите да се образуваат за врвни технологии во седиштето на „Хуавеи“ во Кина. Оваа година, поради Ковид-19, програмата ќе се спроведува преку Интернет, но главните принципи и едукативните курсеви ќе бидат исти. Кога станува збор за областа на образованието, испитуваме секакви можности и се надеваме дека ќе можеме да најдеме заеднички јазик со Министерството за образование за спроведување на повеќе образовни активности.
Би сакал да напоменам дека „Хуавеи“ во Северна Македонија ја покажа и својата општествена одговорност во кризни ситуации како онаа со која се соочува земјата преку оваа пандемиска состојба, со донирање маски на Министерството за здравство. Ние остануваме посветени во Северна Македонија со цел да придонесеме за развој на ИКТ на земјата и нејзините граѓани.
Како „Хуавеи“ се справува со глобалната криза предизвикана од пандемијата Ковид-19?
-Дозволете ми да ви дадам пример за тоа што се случи во Кина. ИКТ-инфраструктурата во Кина игра важна улога во борбата против пандемијата. Дигиталниот широкопојасен интернет е основата што поддржува имплементација на телемедицина, далечинско образование и канцеларија за далечинско управување. Сеприсутната широкопојасна мрежа (98% од корисниците можат да пристапат до мрежата преку FBB / 4G), целосно искуство (5G и опфат со влакна во градовите) и достапни такси за сообраќај на податоци се три клучни фактори поддржани во борбата против пандемијата.
Постојат многу случаи кога 5G и AI (вештачка интелигенција) помогнале во борбата против пандемијата. На пример, далечинска здравствена консултација им помогна на лекарите да дијагностицираат пациенти оддалечени 1000 километри на ефикасен начин. Треба да се истакне дека линијата B2B им помогна на малите компании да ја постават својата далечна канцеларија веднаш штом започна периодот на заклучување (Lock down), а исто така и континуираното покривање им помогна на бесконтактните трансакции направени во сите индустрии. Инвестициите во кинеската ИКТ индустрија пораснаа за 13,2% во периодот на пандемијата, а новиот кинески национален инфраструктурен план, кој е веќе објавен, ќе се фокусира на седум сектори, од кои четири се поврзани со ИКТ: Центар за големи податоци, IoT, AI и 5G инфраструктура . Очекуваната инвестиција е околу 6 трилиони евра за 5 години!
Оттука е јасно дека ИКТ-секторот може да има клучна улога во справувањето со пандемијата на Ковид-19. „Хуавеи“, како водечки глобален снабдувач на инфраструктура и паметни уреди за информатичка и комуникациска технологија (ИКТ) им помага на своите клиенти преку нивната дигитална трансформација да станат уште поконкурентни и поагилни за време на тешки.
Дали „Хуавеи“ размислува за проширување на други пазари? Беа дадени одредени најави за веројатен влез во автомобилската индустрија. Дали „Хуавеи“ би бил нов предизвикувач на „Тесла“?
-Секоја нова индустриска револуција од индустријализацијата и дигитализацијата до денешниот фокус на роботика и вештачка интелигенција (AI) забележува огромни скокови во индустриската ефикасност.
На пример, во 1983 година, првото светско метро без возачи, Метро де Лил, започна да функционира во Франција. Во 2012 година „Гугл“ ја доби првата светска лиценца за автономни автомобил во Невада и до март 2018 година, овие автомобили поминаа 8 милиони километри. Денес, со огромниот чекор напред во технологиите за автономно возење, компании како „Тесла“ им овозможуваат на луѓето да патуваат удобно на еколошки начин. Во целосно поврзаната и интелигентна ера, автономното возење станува реалност.
Системите за автономно возење мора да бидат способни да се прилагодат на комплексни средини кои вклучуваат повеќе технологии. Од гледна точка на целосното работење, различни улоги, како што се планирање, О & М (набљудувања и мерења) и обезбедување услуги, се соочуваат со различни предизвици.
„Хуавеи“ истражува мрежи за автономно возење во обид да ги реши структурните проблеми на телеком мрежите преку иновативна архитектура, помагајќи им на операторите да постигнат подобро искуство во услугата и поголема ефикасност во работењето и ресурсите. Автономните мрежи за возење одат многу подалеку пред иновација на еден производ и повеќе се занимаваат со иновативната системска архитектура и деловните модели, што бара од играчите во индустријата да работат заедно за да ги дефинираат стандардите и да го водат развојот и ширењето на технологијата.
Во моментов, „Хуавеи“ има деловни зделки за развој на нови 5G апликации поврзани со 18 кинески производители на автомобили. Како дополнување, услугата HiCar, платформата за инфо-забава со можност за интернет, слична на CarPlay на „Епл“, е инсталирана на повеќе од 200 модели на автомобили. До следната година, паметниот кокпит на „Хуавеи“ ќе биде достапен во над 500 линии на возила.
Компанијата е посветена на развој на водечки ИКТ решенија во многу деловни сектори, преку постојани иновации и потребниот екосистем, со цел подобро да им служи на своите клиенти да го прифатат целосно поврзаниот, интелигентен свет.
„Хуавеи“ е една од компаниите што се залага за поодржлива иднина, со намалување на пластиката и хартијата во мобилните телефони. Ова е важен чекор во справувањето со еколошките прашања. Кои се идните планови во овој домен?
-Во „Хуавеи“ веруваме дека многу мали чекори ќе направат голема разлика. Работиме кон поодржлива иднина преку низа зелени иницијативи, вклучувајќи, намалување на емисиите на штетни гасови, инвестирање во обновливи материјали, поддршка на целите на ООН за одржлив развој и рециклирање и повторна употреба на отпадот за да се придонесе за кружна економија. Нашиот најнов предводник на Mate 40 Pro е нашиот најзелен смартфон досега, со 28% намалување во пластична амбалажа и 90% во хартиена документација. Во иднина ќе се бориме за целосно отстранување на пластиката од пакувањето и за 100% документација без хартија. Ова сè уште не е дозволено со закон, но работиме да бидеме подготвени за моментот кога ќе биде дозволено.Постојано се подобруваме во техниките за рециклирање и развиваме програми за наоѓање на други домови (депонии) за користени уреди. Користењето на био-заснована пластика во производството на паметни телефони го намалува негативното влијание врз животната средина од употребата на пластика базирана на нафта, вклучувајќи ги и емисиите на јаглерод-диоксид. Секој чекор и секој мал детал се важни, на пример, користењето на 100% растворливо мастило од соја, наместо она на база на нафта.
Телекомуникациската опрема е еден од вашите приоритети. Колку сте задоволни од соработката со компаниите на македонскиот пазар, за кои проекти би сакале да се најавите?
-Ние се фокусираме на тоа да им помогнеме на нашите клиенти, да им обезбедиме најдобро искуство на крајните корисници, а според последниот извештај од мај 2020 година, операторот на Северна Македонија е рангиран на осмото место од 94 избрани оператори во светот за телекомуникации. Ова е достигнување до кое не е лесно да се стигне. „Хуавеи“ ќе ја зајакне соработката со нашите клиенти помагајќи им да успеат.
Покрај тоа, како што споменавме погоре, „Хуавеи Северна Македонија“ има корист од отворено и фер деловно опкружување во изминатата деценија и сè уште го застапува истото добро деловно опкружување и во иднина. Ние веруваме дека тоа може да резултира во зголемување на односот на локалните инвестиции, како и во подобрена економија на земјата.
К.В.С.