Иранскиот министер за надворешни работи Мохамад Зариф ја откажал средбата со неговиот австриски колега за да изрази незадоволство од владата на канцеларот Себастијан Курц, која го истакнал израелското знаме во Виена како поддршка на земјата за време на конфликтот. Австрија одлучи да го истакне израелското знаме во знак на солидарност со таа земја, наведувајќи дека тоа го сторила поради нападот на палестинските војници од појасот Газа.
Портпаролката на австрискиот министер ја потврди оваа информација, велејќи дека Зариф требало да се сретне со Александар Шаленберг во Виена.
„Жалиме поради тоа, но јасно ни е дека кога Хамас ќе истрела повеќе од 200 ракети врз цивилни цели во Израел, не можеме да молчиме“, изјавила портпаролката.
Тензиите во регионот ескалираа во саботата, израелските сили ја бомбардираа Газа, палестинските трупи лансираа повеќе ракети како одмазда, а немирите се разгореа уште повеќе во Израел.
Бранот насилство доаѓа во време кога Виена преговара за повторно активирање на договорот од 2015 година со западните сили во кој Иран се согласи да ја ограничи својата нуклеарна програма во замена за укинување на економските санкции.
Произраелскиот премиер Курц го нарече поставувањето на израелското знаме на зградата на владата во петокот „чин на солидарност“ во време на насилни конфликти. Овој потег беше критикуван и од Абас Арагчи, предводникот на иранската делегација на разговорите во Виена.
„Шокантно и болно е да се види знамето на окупаторскиот режим, кој за неколку дена брутално уби десетици невини цивили, меѓу кои и многу деца, на зградите на владините канцеларии во Виена. Виена е седиште на Агенцијата за нуклеарна енергија и Обединетите нации, а Австрија досега беше добар домаќин на преговорите за стои заедно со Палестина“, напишал Арагчи на Твитер.
Во 2018 година, за време на говорот на Глобалниот форум на американскиот еврејски комитет во Ерусалим, Курц изјави дека безбедноста на Израел е во „национален“ интерес на Австрија, пишува Политико.