Основачот и извршен директор на Tesla Motors, Eлон Маск, потврди дека испораките на електричниот камион Tesla Semi ќе започнат на крајот на оваа година.
Семи беше претставен уште во 2017 година кога беше ветено дека компаниите ќе го добијат во 2019 година, потоа ветувањето беше „преместено“ во 2020 година, а потоа во 2021 година. Сепак, се уште нема камиони, а Маск сега тврди дека првите испораки до клиентите се очекуваат до крајот на годината.
Дополнително, Маск најави дека испораките на електричниот пикап CyberTruck може да се очекуваат во 2023 година.
Кога станува збор за камионот Semi, Маск мисли на модел со автономија од 800 километри.
Прототипите на електричниот камион се видени на улиците, па дури и испорачани суперполначи на Laguna Seca Raceway. Мрежата Tesla Megacharger започна со четири единици во гига фабриката во Невада, каде што се произведуваат прототипови на Semi камиони. Мегаполначи се инсталирани и во објектот Frito Lay во Модесто, Калифорнија.
Сè уште има многу непознати за камионот Tesla Semi, компанијата првично соопшти дека верзијата со автономија од 800 километри ќе чини 180.000 долари, а верзијата Founders Edition до 200.000 долари. Се вели дека камионот може да забрза од 0 до 100 km за 20 секунди при влечење товар тежок повеќе од 36 тони благодарение на четирите посебни мотори на задните оски.
Сè уште не е познато која батерија ќе ја користи камионот, бидејќи неговиот дизајн беше замислен во времето на постарата батерија од 2170 во споредба со денешниот стандарден 4680.