Истакнато знаме на ОВК на српската амбасада во Финска

Министерството за надворешни работи на Србија денеска објави дека непознати сторители „во понеделникот вечерта на зградата на Амбасадата на Србија во Финска го истакнале знамето на терористичката ОВК, таканаречената „Ослободителна војска на Косово“.

Амбасадорот Саша Обрадовиќ утрово го отстрани знамето од влезот во дворот на амбасадата и ја известил хелсиншката полиција за инцидентот, која излегла на терен и спровела истрага.

-Министерството за надворешни работи на Србија најостро го осудува овој провокативен и вандалски чин и очекува сторителите да бидат пронајдени, се вели во соопштението на ресорното министерство.