Историчар од БАН: Словенците имаат идентичен интерес со Скопје

од Nikola Popovski

Очекувањата дека Словенија, како сегашно претседателство со ЕУ, ќе застане покрај нас за прашањата што треба да ги решиме со Република Северна Македонија, веројатно е камен на сопнување. Тие се дел од историските процеси добро познати во Бугарија, изјави д-р Бисер Банчев, историчар на Институтот за балкански студии во Центарот за тракологија при Бугарската академија на науките (БАН) во емисијата „Во развој“.

Историчарот смета дека Бугарија и Словенија немаат заеднички интереси во овој случај. Тој прави паралела со историските судири меѓу Југославија и Бугарија околу Македонија, диктирани од „Федералниот јавен совет за меѓународни односи“ на поранешната федерација, предводени од блискиот сојузник на Тито, Словенецот Едвард Кардељ и сличната политика на Југославија кон Австрија – повторно за прашања поврзани со историјата и јазикот.

„90% од сегашната владејачка елита во Словенија е директен наследник на 80-тите години на минатиот век, што е наследник на владејачката елита од 1950-тите и 1960-тите“, рече д-р Банчев.
„Треба да бидеме многу добро подготвени. Се плашам дека нашите дипломати не се толку добро подготвени историски“, смета тој.

Прекинот на дијалогот меѓу Бугарија и Северна Македонија е поврзан со напнатата политичка состојба, како и предизборната ситуација, прво во Северна Македонија, потоа во Бугарија, додаде Банчев.

„Нормално е секоја наредна влада, кога се стабилизира политички, да бара помирен тон за дијалог. Во таа смисла, привремената влада го стори она што се бараше од неа. Многу аналитичари во други прилики често коментираат дека тоа ги надминува нејзините овластувања и делува како редовно избрана влада. Од друга страна, пораките се конструктивни и имаат три адреси, додава д-р Бисер Банчев.

Првата, според него, е партнерите од Северна Македонија, кои сè уште треба да видат подадена рака од Бугарија, втората е Европската унија, која сè уште не успева целосно да ја разбере бугарската позиција, а трета се политичките сили во новиот парламент.

– Главното прашање во моментов е дали новоизбраното Национално собрание ќе ја потврди рамковната позиција на Бугарија, изгласана во 2019 година со целосен консензус на пратениците, посочува историчарот.

Слични содржини