Британскиот принц Хари ги тужи „Associated Newspapers“ за клевета поради написот, дека се обидел да ги скрие од јавноста деталите од неговата судска битка, со цел да си ја врати својата полициска заштита. Внукот на Елизабета Втора и неговата сопруга, Американката Меган Маркл се откажаа од своите кралски должности во 2020 година за да започнат нови животи во Лос Анџелес. Оттогаш тие се потпираат на приватно обезбедување.
Адвокатите на аристократот во јануари изјавија дека тој не ја добил потребната заштита кога ја посетил Британија и затоа сакал да плаќа за полициското обезбедување.
Хари го тужи „Mail on Sunday“ за публикација од 20 февруари во која се тврди дека побарал одлука за доверливост на документите и изјавите на сведоците, рече извор.
Сепак, портпаролот на покојниот син на покојната Лејди Ди одби да каже кое е изданието и причината за тужбата. Associated Newspapers ги објавува таблоидите Daily Mail и Mail on Sunday. Компанијата одби да коментира.
Хари и Меган, порано познати како војводата и војвотката од Сасекс, се преселија во Калифорнија пред две години за да бидат понезависни. Принцот во неколку наврати изјави дека оваа одлука ја донел поради „токсичниот“ британски печат кој му го уништува менталното здравје.
Меган минатата година ја доби тужбата против весникот „Mail on Sunday“, откако весникот отпечати извадоци од нејзиното писмо од 2018 година до нејзиниот татко, со кого таа не е во добри односи.