Италијанка возела 703 км на час! Иако радарот очигледно се расипал, полицајците и напишале огромна казна

Радарот во Анкона го фотографирал возилото на една Италијанка со „рекордна брзина“ од наводни 703 километри на час.

Жената била фатена во зона каде важи ограничување од 70 километри на час, а таа управувала автомобил „Форд Фокус“.

Наместо надлежните италијански власти да ја преиспитаат можноста за такво пречекорување, тие и испратиле на жената парична казна во износ од 850 евра, а и биле одземени и 10 бода.

Бидејќи ова е очигледна грешка во радарот, Италијанката решила да ангажира адвокат, кој ја советувал да не бара поништување на казната, туку компензација.