Матијас Маестри, т.н. „прв пациент“ на епидемијата на новиот коронавирус во Италија, за медиумите изјавил дека постепено се враќа во нормалниот живот. Поминал три недели во болница, татко му починал од последиците од коронавирусот, а неговата бремена сопруга се опоравила и родила здраво бебе.
На Маестри (37) му бил дијагностициран вирусор на 20 февруари во неговиот дом во Кодоњо, на околу 60 километри југоисточно од Милано. Тоа бил првиот случај на локален пренос во Италија.
Во интервју за „Спортвик“, неделник поврзан со спортскиот весник „Газета дело Спорт“, Маестри изјавил дека е добро и дека не му е потребна психолошка помош.
„Реков „не, благодарам“, се чувствувам нормално “, рече тој, додавајќи дека бил во близок контакт со докторот кој го спасил.
„Тој стана како втор татко за мене, мојот нов татко. Многу зборувавме. Јас ги следам неговите совети за моето долго патување кон нормала“, изјавил Италијанецот.
Маестри, аматерски тркач и поранешен фудбалер на клуб од четвртата лига, минал низ емотивни и физички крајности. Поминал три недели без свест во единицата за интензивна нега. Кога го разбудиле, тој не знаел што е коронавирусот и до која мерка се шири.
Осврнувајќи се на неговиот мобилен телефон, тој на социјалната мрежа прочитал куп навреди на своите профили на социјалните медиуми. Бил ослободен од болницата на 21 март, но неговиот татко починал два дена порано од Ковид-19. Неговата бремена сопруга исто така била заразена, но закрепнала и родила здраво девојче на 7 април.